Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mimal kutah Tourist Lodge hlan dawn

Tourism Minister Pu John Rotluangliana chuan Mizoram chhunga Tourist Lodge 15 te chu mimal hnena hlan tum a nih thu sawiin, hemi atan hian Tender pawh tihchhuah a ni tawh tih a sawi.
Nimin a Assembly inkhawm ah Pu Lalruatkima leh Er. Lalrinawmna zawhna chhangin Tourism Minister chuan mimal hnena hlan tum te hi Tourist Home Luangmual; Highway Restaurant Chhiahtlang; Tourist Lodge Buhchang; Tourist Lodge Sakawrdai; Tourist Lodge Bairabi; Tourist Lodge Saipum; Travellers Inn Vairengte; Highway Restaurant Thingdawl; Tourist Lodge |awipui South; Tourist Lodge Pangzawl; Tourist Resort Hmuifang; Tourist Lodge Paithar; Tourist Lodge Changsil; Tourist Lodge Darlawn leh Tourist Lodge Khanpui te an ni tih a sawi a. Hengte hi kum 10 chhung atan mimal kutah hlan tur a nih thu leh sum harsatna avanga a thawktu tur leh a enkawlna sum neihloh vanga hlan tum a nih thu sawiin, a enkawltu tura thlan te hian sorkar ah chhiah an chhunluh tur thu a sawi a, tun dinhmun ah Tourism Department in Tourist Lodge/ Highway Restaurant 42 an enkawl thu a sawi bawk.

Comments

Popular News (Last 30 Days)