Buhfai, Power leh Tui vangin sorkarin thla 1-ah cheng vbc 24.18 a hloh ziah : Lalsawta, Finance Minister

Finance Minister Pu Lalsawta chuan Mizoram sorkarin a man tlawma mipuite hnena Buhfai, Power leh Tui a hralhchhuahna a\angin thla tin cheng vbc. 24.18 a hloh ziah a ni tih sawiin, mipuite chu sorkara sum chawi tur an neih angte dik taka pe \hin turin a sawm.

Mizoram Legislative Assembly 7-na, \hutkhawm vawi 4-na nimin chawhma dar 10:30 a\anga neih \anah kum 2014-2015 Mizoram Budget puitling a pharh paha thu a sawi ah Finance Minister Pu Lalsawta chuan he thu hi sawiin,sorkar tangka bawm ti ruaktu lian deuh deuh pathum a sawi chhuak a, chungte chu Buhfai, Power leh Tui an ni tih sawiin Finance Minsiter chuan, Mizoram sorkarin thla tin buhfai leina atan cheng vbc. 22 vel a seng ziah tih House a hrilh a. Heta \anga sorkarin sum a hmuhlet chu vbc. 13 chauh anih thu leh a man tlawm a mipuite hnena sorkarin buhfai a hralhchhuah vanga kum khat chhunga Mizoram sorkarin sum a hloh chu vbc. 156 a tling tih a sawi bawk. Power-ah pawh kum 2013-2014 chhung khan Mizoram sorkarin cheng vbc. 183.14 a hmang tih sawiin, hemi a\anga sum a hmuhlet chu vbc. 109 chauh a nih thu leh, sorkar sum hloh chu vbc. 74.14 a tling tih Finance Minister chuan a sawi a, hengte bakah hian mipuiten tui hnianghnar taka an hmuh theihna tura PHE departmentin tui a hralhchhuah thin ah kum khat chhunga sum hloh chu vbc. 5 a tling tih a sawi bawk.
    Finance Minister Pu Lalsawta chuan kum 2014-2015 chhunga Mizoram Plan Budget tur chu cheng vbc. 3,140 a ni tih sawiin, hetah hian Centrally Sponsored Scheme dahluh tel nghal vek a ni tih a sawi a. Plan Budget a\ang hian NLUP atan vbc. 317.32 ruahman ni tih a sawi bawk. Mizoram sorkarin a ngaih pawimawh ber NLUP chu, Jan. 11, 2010 ah bul\an a ni tih sawiin, kum 5 chhunga chhungkaw 1,20,000 hnenah NLUP \anpuina pek tum an nih laiin kum 3 chhungin khuh zawh vek hman anih thu leh hei vang hian chhungkaw 15,000 tuam tum leh niin, hemi atan hian chhungkaw 10,000 thlan fel tawh an ni tih a sawi a, hei vang hian NLUP hian chhungkaw 1,35,000 a tuam dawn niin a sawi bawk.