Sericulture-ah NLUP-ah pawisa dawn tur awmsa

Sericulture Minister Dr. BD.Chakma chuan NLUP 3rd leh 4th Phase beneficiary te tan pawisa dawn tur a awmsa vek tawh tih sawiin, ‘One Village, One Crop’ anga kalpui tum anih tawh avangin hma thar lak a nih thu leh peihfel \ep a nih tawh thu a sawi bawk.

Sericulture Minister Dr. BD.Chakma hian nimin Dec. 4, 2014 khan Ser-chhip District Sericulture Office-a Sericulture Department hnuaia NLUP 2nd Phase beneficiary 54 hnenah \anpuina sum hnuhnung ber semna inkhawm neih a hman-puina ah he thu hi a sawi a. Pangang vulh chu taimak ngai tak leh a enkawltu ten an mawhphurhna an hlen \hat leh \hatloh a a hlawhtlinna innghat nasa tak anih thu sawiin, Pangang khawi chu scientific deuh anih avangin khirh takin lang mahse a vulhtu te an tui phawt chuan eizawnna hahdam leh nuam tak a nih thu a sawi a. A hralhna tur market awm sa leh a rate bithliah lawk sa vek anih avangin a hlawkna tel tur zat pawh chhutchhuah lawk theih vek a ni tih sawiin, a tuichilh mi tan chuan hlawhtlinna bak hmuaktu a awm loh thu a sawi bawk. District Sericulture Office, Serchhip hnuaiah hian NLUP beneficiary 211 an awm a, 1st Phase ah beneficiary 65 awmin \anpuina sum an dawn tur te pek kim vek tawh an ni a, 2nd Phase-ah mi 123 awmin heng te hi an hmalakna enfiah a nih hnuah nimin khan \anpuina hi pek an ni a, 3rd Phase-ah 19 leh 4th Phase-ah 4 an awm bawk a ni.