Assembly Estimate Committee Member ten KMMTTP kawng laih mek an enfiah.

Mizoram Legislative Assembly Estimate Committee member te chuan  Nov. 4, 2014 khan Kaladan Multi Modal Transit Transport Project Road laih mek chu Lawngtlai a\anga Burma ramri thlengin an zawh chhuak.

Look East Policy hlawhtlinna tura kawng pawimawh ber tia chhal ngam he kawng, Multi Modal Road ti a hriat lar hi Lawngtlai AOC Veng a Mizofed Petrol Pump bul a\anga in\anin Mizoram khaw tawp ber Zochachhuah khua thlengin tunah hian laih zawh a ni tawh a, hna thawktute hi RDS Ltd. leh ARSS Company te niin chan an in sem a ni. Zochachhuah a\ang hian Burma ramchhungah pawh kawng hi laih chhunzawm zel tur a la ni a, hei hi Burma sorkar nen thawkho a laih tur a ni dawn thung a ni. Mizoram chhunga he kawng sei zawng hi km 95 vel a ni a, a thawktute hian kawng kual leh siam rem mai theih lai te siam rem a nih hnu chuan km 90 velah a tlak thlak theih an beisei thu Estimate Committee hi an lo hrilh a, hetihlai hian zangnadawmna lak tum an tam lutuk avanga luhai thlak an tih thu an lo hrilh bawk.
    He kawng hi laih zawh a nih hunah chuan Burma ramchhunga Sittwe lawng chawlhna chu awlsam taka tlan thlen theih a ni tawh dawn a, Sittwe lawng chawlhna a\ang hian Kolkata khawpui chu tuipui-ah Km 560 chauh niin hei hian nasa takin awlsamna min thlen thei tura beisei a ni. He kawng laih tlawhtute hi Mizoram Legislative Assembly Estimate Committee Chiarman, Pu Lalrinliana Sailo bakah member Pu Vanlalzawma te, Pu R. Vanlalvena te leh Dr. Ngurdingliana te an ni a, Pu Lalrinliana Sailo chuan Multi Modal Road laih mek chu \ha thawkhat hle a a hriat thu sawiin, ‘He kawng hi kan ram chak lakna pui ber a nih thuai dawn avangin sorkar in a ngaipawimawh em em a, thawktu te lakah pawh beiseina sang tak neiin a fet hle a ni,’ a ti a. Contractor ten harsatna an tawh te sutkian a nih theih nan hma an lak tur thu a sawi bawk a ni.