Tripura-a Bru Transit Camp siam a nih hnuah Bru raltlan mi 6,511 laklet an ni tawh.

Tripura-a Mizoram mi Bru raltlan te awmna tura Transit Camp siam a nih a\anga tun thlengin Bru raltlan mi 6,511 laklet an ni tawh a, Mizoram-ah Bru te inhnamhnawihna inrukbo \um 17 a thleng tawh bawk.

Mizoram sorkar Home Department in an chhinchhiah danin Tripura-a Mizoram mi Bru raltlan, Transit Camp-a awm te hi May 21, 2010 a\angin Mizoram-ah laklet \an an ni a, Bru lakletna hi Phase-I, Batch 6-na thleng kalpui a ni tawh a, laklet hnathawh hnuhnung ber June 23, 2014 thleng khan Bru chhungkua 1,237 lak let tawh an ni a, chungte chu puitling 4,665 leh naupang 1,846, an vaiin mi 6,511 an ni. Bru lak let nan hian Mizoram sorkar chuan sorkar laipui a\angin cheng nuai 2,527 a hmu tawh a, chungte chu kum 2010-2011 ah cheng nuai 1,740 leh kum 2012-2013 ah nuai 787 a ni. Kum 2005-a Intensive Roll Revision-a a lan danin, Tripura Transit Camp-ah hian Bru chhungkua 4,730 an awm a, chungte chu Mamit district a\angin chhungkua 3,833, Kolasib district a\angin chhungkua 628, Lunglei district a\angin chhungkua 268 leh Lawngtlai district a\angin chhungkaw pakhat an ni.
    Hetihlai hian Tripura-a Bru te awmna tura Transit Camp siam a nih a\anga tun thlengin Mizoram-ah Bru-te inhnamhnawihna inrukbo \um 17 a thleng tawh a, heng bakah hian Mizoram khawthlang lam khaw \henkhat Phuldungsei leh West Phulpui-ah Bru hel pawl leh misual \hen-khatte vauna avangin kumin May thla vel khan sorkar hnathawk hrang hrang, a bikin zirtirtu eng emawzatte chuan an awmna khua chhuahsanin hmun him an lo bel tawh nghe nghe a ni. Tun dinhmunah Tripura Bru Transit Camp ah hian Camp 6 a awm mek a, chungte chu Naisingpara, Asapara, Hazacherra, Damcherra, Kaskau, Khakchangpara leh Hamsapara te a ni a, Election Department chuan heng camp 6-ah hian vote nei 11,346 an la awm nia sawiin, Mamit District mi tam berin voter 8,799 an awm a ni. Heng Transit Camp-a awm te hian mi 30000 chuang tun thleng hian an la awm niin an insawi bawk.