Horti Deptt. in NLUP \anpuina an sem

Serchhip-a Horticulture Department chuan nimin khan Serchhip Cluster huamchhunga NLUP 2nd Phase \anpuina dawngtute hnenah 3rd Installment an sem.

Hemi puala inkhawm Serchhip Hmar Veng YMA Hall-a neih chu NLUP Nodal Officer, Pu Lawmkima chuan hmanpuiin Serchhip District chu Mizoram District zinga ram laili luahlumtu an nih bakah NLUP Pa, Mizoram Chief Minister ni bawk Pu Lal Thanhawla bial awmna anih vangin NLUP ah thang-chhuah ngei tura \an kan lak a ngai a ni, a ti a. He huna Khual zahawm, Pu Andrew H. Lalremruata, DIPRO & Media Officer, NLUP chuan hmangaih leh duhsak taka ruahmanna siamsak tu sorkar rilru ti natu ni lo tura NLUP \anpuina dawngtute chahin, sorkar in sum tam tak a pe chunga dinchhuahna atana hmang theilote chu ‘chhungkaw enkawl tak tak tlak kan ni em’ tih inzawhchian a ngai dawn nia a hriat thu a sawi bawk. Serchhip Cluster a Horticulture Department kaltlanga NLUP 2nd Phase \anpuina dawngtu hi mi 215 an ni a, Serthlum, Lakhuithei, leh Tung chingtu te niin Serthlum - Rs. 9,000/-, Lakhuihthei – Rs. 8,000/-, leh Tung – Rs.10,000/- te sem an ni. He hun hi DHO, Pu Lalhmangaiha chuan kaihruaiin kumthar January thla chhunga an hmalakna enfiah vek a nih tur thu a sawi bawk.