Mizoram District 6-ah Jail hawn a nih tawh laiin Serchhip tiamin District 2-ah Jail la hawnglo.

Mizoram District paruk a Tan In (Jail) 7-ah nitin chawhrualin mi tang 1,167.05 awm reng ang an ni a. Hetihlai hian Mizoram-a District 2- Serchhip leh Mamit District-ah chuan Jail hi hman theih ala nilo thung.

 Mizoram sorkar Prison Department Statistic in a tarlan danin Mizoram-ah hian District 8 zinga 6-ah Jail hi awmin Aizawl District-ah Jail 2 a awm thung a. Mizoram-a Jail lian ber leh mi 575 tan theihna Central Jail, Aizawl-ah chawhrualin nitin mi tang 539 awm ang vel niin tun dinhmunah Central Jail-ah hian damchhung tang tur mi 19 an awm mek ni a thudawn a ni bawk. Aizawl District Jail mi 95 awm theihna tura ruahman ah mi tang76 awm reng anga chhut niin mi 173 awm theihna tura ruahman Lunglei District Jail-ah tan In-in a zawh tawk aia tam mitang an awm deuh reng anga chhut niin mi 192 vel awm reng ang an ni. Saiha District Jail-ah mi tang 95 awm theihna tura ruahman a nih laiin chawhrualin mi tang 34 awm reng ang an ni a. Mi tang 114 awm theihna tura ruahman Kolasib District Jail-ah pawh nitin mi tang 133 awm reng ang a ni bawk. Champhai District Jail-ah mi tang 126 awm theihna ah Jail in a zawh tawk aia tam mi 178 vel tang an awm reng a, Lawngtlai District Jail-ah mi tang 136 awm theihna ah chawhrualin nitin mi tang 15 awm reng ang an ni bawk.
    Mizoram District 6 ah \ha taka tan In enkawl a nih lai hian Serchhip leh Mamit ah chuan Jail hi hawn ala nilo thung a, Serchhip leh Mamit District Jail te hi a building leh quarters engkim peihfel vek ni tawh mah se, sum harsatna vang leh chhan hrang hrang vangin hawn theih a la ni lova, Mizoram sorkar chuan hawn hnaih a tum ni a hriat a ni.