Latest News

MPCC General Assembly vawi 35-na neih a \an a ni.

Nimin Dec. 2, 2014 a\ang khan rorellai Mizoram Pradesh Congress Committee (MPCC) chuan Aizawl-a Vanapa Hall-ah General Assembly vawi 35-na an hmang a, Presidential Address petu MPCC President leh Chief Minister ni bawk Pu Lal Thanhawla chuan eptu party MNF-in Supreme Court a\angin sorkar tumin hma an la leh mek niin a sawi.
MPCC General Assembly-ah hian Chief Minister Pu Lal Thanhawla chuan MNF party-in High Court a\anga sorkarna siam tumin ruling MLA 23 khinna an thehlut tih sawiin, Court-in ngaihtuah tlaka ngai lovin a hnawl bakah Rs. 100 diat diat a chawitir thung a ni, a ti a. Tunah MNF Party President chu Delhi-ah thang mekin Supreme Court lama zualko leh tumin a thang mek nia sawiin, "Hlauh tur a awm lo," a ti.  MPCC President chuan Central sorkar tharin Planning Commission a \hiah chhan sawiin, “Prime Minister thar Narendra Modi hian Planning Commission-ah vuivaina tam tak a neih vanga \hiah a ni,” a ti a. Dec. 7, 2014 khian Prime Minister-in Planning Commission thlakna tur ngaihtuah turin Chief Minister zawng zawng a kokhawm tih sawiin, "Planning Commission \hiah anih avangin kan plan size tur pawh ka hre lawk lova, hei hian harsatna engemawzat min thlen chungin sorkar hmalakna kallai khaihlak a awm phah lo,” a ti bawk.
    Rel kawng chungchang sawiin Chief Minister chuan Sairang leh Bairabi inkar rel kawng siam chu 8% thawh zawh tawh a nih thu leh March 2018 hmaa zawhfel an tum thu Railway thuneitu ten an sawi tih a sawi a. Central Congress-ah an innghah loh thu sawiin, “Pathian nung chungah kan innghat a. Takna leh rinawmna nena kal zel tur kan ni,” a ti a. Mizoram Sorkar hmalakna leh hmachhawp hrang hrang te sawiin, sorkar hmalak mekna te chu \awiawm turin Zoram mipui a sawm a. Hei aia nasa zawk malsawmna haichhuah anih theihna theihtawp chhuahpui turin a ngen tih a sawi bawk. MPCC General Assembly hi MPCC Vice President leh Home Minister ni bawk, Pu R. Lalzirliana chuan kaihruaiin MPCC Executive Member mipa 33 leh hmeichhia 7 thlanna neih nghal a ni bawk a. Vawiin hian chhunzawm lehin Aizawl District \henhran a nih hma zawng huamtu, Aizawl District Congress Committee (ADCC) hruaitu thlanna neih a ni ang.

Comments

Popular News (Last 30 Days)