Lenkawl

Serchhip bialtu Thenzawl Forest Division-a DFO, Margaret Lalramchhani IFS chu Kolasib-a sawn a nih hnuah Kawrthah-a DFO hna chelhtu Lalbiakchama Chawngthu chu Thenzawl DFO hna chelh tura tih niin a hna thar hi a rawn zawm tawh a ni. Hetihlai hian Serchhip District chhung North Vanlaiphai Division-a DFO, Jenny Sailo pawh Mamit-ah DFO hna chelh tura sawn niin a aiawh tur hian DFO (Protection) hna chelh lai C. Lalkhawthanga chu dah a ni bawk.

Serchhip Police Station-a Officer in-Charge (OC), Inspr. Lalthanpuii Hnamte chu nizan hmasa khan boralin nimin khan an chenna, Aizawl Republic Veng-ah vuiliam a ni. Kum 43-a upa Inspr. Lalthanpuii Hnamte hi niminpiah khan a chauh thut avangin Serchhip damdawi In panpui a nih hnuah Aizawl lamah phurhthlak nghal a ni a, amaherawh chu nizan hmasa dar 8:15 khan Ebenezer Hospital-ah Internal Bleeding vangin a boral zui ta a ni.

Nimin-a Serchhip-a rawn kal Commerce & Industry Department changtu Minister Dr. R. Lalthangliana chuan nimin khan Serchhip Bazar Building zauhna sak thar chu a hmunah a tlawh a, District Industry Centre-a Functional Manager leh Serchhip DIPRO bakah khawtlang hruaitute leh thuthar thehdarhtu ten an tawiawm a. He hunah hian Minister chuan Bazar-a thil zuartu ten inthiarna chungchanga harsatna an tawh te ngaihthlak sakin, Bazar enkawltu, thuneitu sang zawk Serchhip in a mamawh thu an lo thlen pawh hri leng avangin Post ruak hnawhkhah a harsat thu a sawi bawk a ni.

Serchhip District chhunga Sialsir khua ah nimin khan African Swine Fever (ASF) vangin Vawk pahnih a thi leh a, Sialsir khua ah hian ASF vangin Vawk 8 a thi ta a ni. Heti hian nimin thleng khan Serchhip District-a khaw 35-ah ASF vangin Vawk 3736 a thi tawh a ni.

Nimin khan Serchhip District-ah COVID-19 hri kai mi 57 hmuh belh leh an ni a, hri kai mi 51 te enkawl dam an ni leh bawk.

PM-CARES Fund atanga ramchhung hmun hrang hranga PSA Oxygen Plant bun thar 35 te chu nimin khan Prime Minister Narendra Modi chuan AIIMS Rishikesh, Uttarakhand atangin a hawng a, heng zingah hian Serchhip District Hospital-a bun pawh telin a hawnna hun hi Health Minister hovin District Hospital Complex-ah lo hmanpui a ni.

NLM hmalakna tur thlirho

Niminpiah khan Mizoram-ah Sample 9749 enfiah ni lehin heng atang hian COVID-19 hri kai 1302 hmuh belh leh an ni a, Sample enfiah atanga za zela 13.35 te chuan hri an kai a ni.

Mizoram-a lui hrang hrangte humhalh leh tangkai zawka hman kawngah Brahmaputra Board in hma rawn la ve se a duh thu L. Thangmawia MLA chuan a sawi.

Environment Forests & Climate Change Department changtu Minister TJ. Lalnuntluanga chuan tha lehzuala Tam Dil enkawl a nih theih nan leh mipuiin an hlawk pui zawk theih nan Integrate Management Plan buatsaih a nih thu a sawi.

PM-CARES kaltlanga ramchhung State hrang hranga PSA Oxygen Plant hawn rualin nimin khan Mizoram-ah pawh District hrang hrangah Oxygen Plant hi hawn a ni.

Faina Hapta hman mek denchhenin nimin khan Vantlang hmun-a bawlhhlawh paih te ngaih-hnathiamna tel lova manna ni, No Tolerance Day for Open Waste disposal/Spitting tan hman a ni a, he hunah hian Serchhip khawpui chhunga Dan bawhchhia-a vantlang hmuna bawlhhlawh paih mi 2 man niin pawisa chawitir nghal an ni.

Serchhip District Hospital-a PM-CARES hnuaia PSA Oxygen Plant bun thar chu Vawiin chawhma dar 10:00 hian Prime Minister Narendra Modi chuan biakhmuhtheihna hmangin a hawng dawn a, Serchhip District Hospital-ah he hun hi lo hman ve tur niin Health Minsiter Dr. R. Lalthangliana chu khuallian a ni dawn a ni. Vawiin-a PSA Oxygen Plant hawn a nih dawn avang hian Vawiin hian Serchhip District Hospital-a OPD chu khar a ni thung ang.

Serchhip District-ah COVID-19 hri kai thar leh enkawl dam an awm belh zel a, nimin thleng khan hri kai hmuhchhuah hi 2655 an tling tawh.

Serchhip District chhunga Swachh Bharat Mission (Urban) hnuaia Brand Ambassador tura ruat te chu nimin khan an hnathawh tur hrilhfiahna neih a ni.

NABARD hnuaia Rural Infrastructure Development Fund (RIDF) sum cheng nuai 90 hmanga sak Serchhip District Veterinary Hospital building chu nimin khan AH & Vety Minister Dr. K. Beichhua chuan a hawng.

Dy. Speaker hovin thukhawm

Mizoram-a COVID-19 hri kai hmuhchhuah chu mi nuai khat aiin an tam ta.

Hun engemaw chen Sailutar khua-a rawng-bawl-a awm James Lalramliana chu hmeichhe kumtling lo laka mipat hmeichhiatna hmang lui-a puh a nih avangin Sailutar khua atanga hnawhchhuah niin nimin Darlawn Police ten Aizawl-ah an man.

Mizoram Chief Electoral Officer (CEO) P. Jawahar IAS chuan Bru voter, Tripura-a letleh ta, Mizorama Electoral Roll a la chuangte chu Roll atanga paih vek an nih theih nan ECI-ah thlen a nih tawh thu a sawi.