Lenkawl

Serchhip-a Divisional Horticulture Officer, M. Vanlalzami hovin nimin khan Serchhip a thlai chingtu, Horticulture & Agriculture Farming Co-operative Society Serchhip te chuan Serchhip atanga thlai tharchhuah hralhchhuahna tur man chungchang an sawiho.

COVID-19 No Tolerance Drive hman mek ah nimin khan Serchhip District-ah hri leng laka mipui himna tura Dan siam zawmlo mi 66 zet man leh an ni a, heng mite pawisa chawi pawh a vaiin Rs. 6800/- a ni. Nimin-a Serchhip District-a Dan zawmlo man zinga mi 63 te chu Police te man niin heng mi 63 zinga 41 te chu Ser-chhip Police te man an ni a, Thenzawl-ah mi 17 manin North Vanlaiphai-ah mi 3 leh Chhingchhip ah  2 man an ni bawk. Nimin a Dan zawmlo an man midang pathum te pawh hi Serchhip Town Area-a man vek an ni.

Serchhip District Sports Committee chuan nimin khan General Body Meeting neiin hruaitu thlanna an nei.

Phainuam-ah Hnamchhan Hnatlang neih a ni

Niminpiah-a Mizoram-a Sample enfiah atangin COVID-19 hri kai mi 60 zet hmuhchhuah leh an ni a, Aizawl District pawn lama hri kai hmuhchhuah chu mi 5 chiah an ni.

Mizoram-a Zaithiam lar zing ami, Zira Hnamte tia hriat, Zirkunga Hnamte chu zing khan lungphuchawl in a boral a, vuiliam nghal a ni.

Tunhnaiah Lunglei-a insurance lem engemaw zat hmuhchhuah niin Lunglei District chhunga The New India Insurance Company Ltd. hnuaia Insurance ti zawng zawngte chu in report tura tih an ni.

MZP General Hqrs. hruaitute chuan nimin khan Home Minister, Lalchamliana chu a Pisa ah hmuin ramri-a hmalak mekna chungchang an sawipui a, rawtna hrang hrang an thlen bawk.

Mizoram Sawrkar in boruak rip tak karah mipuite rilru chhawk zangkhai nan ‘Virtual Anthurium Festival 2020’ a buatsaih chu nimin khan Chief Minister, Zoramthanga chuan a hawng a, ni 2 awh tur he Festival hi Vawiin ah chhun-zawm a zawhfel tur a ni ang.

Mizoram-a lut tur bungraw phur Motor, Silchar Mizoram House-a Mizo lirthei tangkhangte chu nimin khan Mizoramah hruailuh an ni ta.