Lenkawl

Mizoram sawrkar chuan tun thla ni 25 khan COVID-19 hri kai/damlo te enkawlna hmun (CCC/DCHC/DCH/Home Isolation) atanga chhuahtir (discharge)/enkawlna tihtawp dan tur hetiang hian thupek siamin a tarlang :

Brig. T Sailo Energy Point

Inrinni-a Mizoram-a Sample enfiah atangin COVID-19 hri kai mi 30 hmuh belh leh an ni.

YMA General Conference neihloh kum-a neih thin, YMA Rorel Inkhawm kumin a neih tura ruahman chu hri leng avangin thulh a ni.

AH&Vety Department leh Mizoram State Veterinary Council tangkawp chuan ‘World Rabies Day’ denchhenin Vawiin atanga tunkar chhung hian a thlawna Ui a hri danna pek beihpui an thlak dawn a, hemi ang hian Serchhip-ah pawh Ui vulhtute tan tunkar chhung hian District Vety Hospital-ah Ui vulhtute tan Ui a hri danna in Ui hi a thlawnin chiu theih a ni dawn a ni.

Serchhip tlawha rawn kal Adviser to Chief Minister, C. Lalramzauva chuan Inrinni zing khan Serchhip Press Club sak mek chu tlawhin MJA Member te nen inkawmna an nei a. MJA (SD) hian Press Club sak mek-a kawng-an chu luah rih tura siamin peihfel a ni tep tawh a, heta an mamawh (Chair) chu a theih anga ngaihtuahpui a tum thu Adviser to CM hian sawiin, hetianga Press Club luah mai tura hmalak a ni chu lawm-awm a tih thu a sawi bawk.

Serchhip District Truck Owners Association (SDTOA) chuan Inrinni khan Serchhip leh Keitum inkar, Sailiamkawn bul-a kawng chhia siamthat hnatlang an nei.

Serchhip District Bawrhsap chuan thuchhuah siamin Serchhip District mi leh sa khualzin, hmundanga lo haw te khunghran chungchanga kalpui dan a tarlang.

Inrinni-a Serchhip District-a Sample enfiah atangin COVID-19 hri kai mi 4 hmuh belh leh niin Zirtawpni khan hri kai mi 8 hmuh belh an ni bawk a, Serchhip District-a hri kai hmuh tawh zawng zawng chu mi 48 tling tawhin hri kai zinga mi 16 te chu enkawl dam an ni tawh thung.

COVID-19 hri leng avangin nimin thleng khan Serchhip District-ah inkhunghrang mi 1876 an awm tawh a, mi 1699 te chu chhuahtir ni tawhin inkhunghrang mi 177 an la awm mek bawk.