Lenkawl

Serchhip District Police te chuan nimin khan The Mizoram (Containment and Prevention of Covid-19) Ordinance, 2020 bawhchhia mi 7 man lehin heng mite hi vantlang hmun-a Mask vuah loh avanga man te niin Rs. 100/- theuh chawitir leh an ni a, heng an mi man te hi Thenzawl-ah mi 3, Serchhip-ah mi 2 leh Chhingchhip leh North Vanlaiphai-ah mi pakhat ve ve te an ni.

Nimin thleng khan Serchhip District-ah inkhung-hrang mi 107 an awm mek. COVID-19 avanga Serchhip District chhunga inkhunghranna hmun hrang hrangah hian nitin lut leh chhuak an awm deuh reng a, nimin khan Quarantine Facility Centre-ah mi 4 dahluh leh niin mi 77 khunghran mek an ni a, Home Quarantine mi 8 te chu chhuah-tir ni thungin In lama inkhunghrang hi mi 2 an la awm mek a, Community Facility Centre-ah mi 28 la awm mekin heti hian Serchhip District-a inkhunghrang hi mi 107 an ni mek a ni.

Serchhip Sub-Hqrs. YMA huamchhunga awm, Vantawng Group YMA chuan Serchhip District chhung, Myanmar ramri-a COVID-19 avanga Duty mek te tanpuina atan Rs. 26,100/- chu nimin khan Serchhip Sub-Hqrs. YMA kutah an hlan.

Mizoram pawn-a Mizo tangkhang hruaihaw mekah nizan khan State pathum atangin mi tha-hnem tak chuan Mizoram rawn thleng tura beisei niin Serchhip District-a haw tur mi 92 te lo dawngsawng turin Serchhip District-ah pawh inbuatsaihna peihfel a ni.

Minister in Chawngte tlawh

Congress Thalaite chuan Mizoram sawrkar chu rang taka thudik chhuichhuaka puang tura an phut thu an sawi.

Health & Family Welfare Minister Dr. R. Lalthangliana chuan tunhnaia COVID-19 natna vanga Zoram Medical College (ZMC) a damlo awm enkawl damtu Doctor leh nurse te chu niminpiah tlai khan a Pisa-ah kawmin an inpekna leh huaisenna fakin thilpek a hlan bawk.

All Mizoram Village Council Association (AMVCA) hruaitute chuan nimin khan Chief Minister, Zoramthanga chu a Pisa-ah hmuin COVID-19 dona leh invenna leh thingtlang lam Economics chawikan dan tur chungchangah Memorundum an thehlut.

Mizoram Journalists’ Association (MJA) General Headquarters hruaitute chuan sawrkar sum inrenchemna tura ruahmanna siam zingah Mizoram-a chanchinbute eibel nghawng thei zawnga ruahmanna awm tel chu paihsak leh turin nimin khan Chief Minister, Zoramthanga hnenah ngenna an thlen.

Mizoram Board of School Education (MB-SE) chuan kumin a pawl 12 Exam la zo lo te leh pawl 10-a Subject bat nei te tan thla thar, June 16 atangin Exam a buatsaih dawn.