Lenkawl

Tun thla ni 26-a nihnih cham tura Mizoram rawn tlawh tur Finance Commission 14-na dawngsawng turin sorkar a inpeih tawh a, he hunah hian hmasawnna hna thawhna tur leh mamawh dang chi hrang hrang cheng vbc. 48,000 hu lo dil tum a ni.

Annual Status of Education Report (ASER-2013) vawi 9-na nimin a tlangzarh takah Mizoram Primary zirlai te chu Arithmetic thiam kawngah an dinhmun a hniam tih tarlan a ni.

Mizoram Youth Commission (MYC) Chairman, Pu T. Sangkunga, MLA chuan Mizo \halaite tan MYC in theihtawp a chhuah zel tih sawiin, Mizo \halai ten eizawnna \ha an hmuh theihna turin hmachhawp hrang hrang duanfel a nih tawh thu a sawi.

SADS mi man tlanchhuak

Nimin khan Serchhip-ah District Level Fire Prevention Week hawnna neih a ni a, District Bawrhsap leh Serchhip District Fire Prevention Committee Chairman ni bawk Pi Juhi Mukherjee, IAS chuan khuallian niin he hun hi a hmanpui a ni.

Mizoram Larsap, Pu Vakkom B. Purushothaman chuan hnam hnufual leh hnam tlem zawkte hi sorkar chuan a ngaihven reng a, hmasawnna an neih theih nan theihtawp a chhuah reng a ni, a ti.

NLUP Implementing Board (NIB) Chairman, Pu JH. Ro\huama, MLA chuan NLUP \anpuina dawng thawk \ha duhlo te chu \anpuina sum pek chhunzawm an ni dawnlo tih a sawi.

Khawvel puma Museum Week hman tur chu nimin khan Aizawl-ah pawh hman \an a ni a, Art & Culture Minister Pu R.Romawia chuan he Week hi a hawng a ni.

Serchhip Legal Metrology Enforcement te chuan Inrinni khan SK Indane Gramin Vitrak Chhing-chhip-a eirawngbawlna Gas dah tur buktlinglo bur 25 an man a, heng Gas te hi MZ-02/9152, Lalrinliana Sailo s/o Saidingliana Sailo, Lunglei Venghlun ami rawn phurh niin dan angin pawisa chawitir leh a ni ang. Serchhip Legal Metrology Enforcement hian tunhnai khan Serchhip a dah tur eirawngbawlna Gas buk tling lo bur 243 zet an lo man tawh a, tun \uma Chhingchhip-a dah tur an man nen hian tunhnaiah Gas buk tlinglo bur 268 an man tawh a ni.

Zonet Cable TV in Mizo Idol thlanna a buatsaih a 3-na, Lancy Remlalhruaii, Serchhip Chhim Veng chuan Inrinni khan Serchhip rawn thlengin ropui taka lo hmuah a ni a. Lancy-i hi Chhiahtlang dai-ah lirthei chi hrang hrang hmanga ropui taka lo dawnsawn niin hemi hnu hian a chuanna tur bika ruahman Motor ah phurin kawng rawn zawhpui a ni a, Serchhip Bazar-ah a puala inkhawm neih zui niin pawl hrang hrang leh mimal \hahnem takin thil-pek an hlan a, Mizo Idol thlanna neih zawh taka tel, amah rawn \awi-awmtute nen zai-a mipui awiin amah lo hmuaktu mipui an tam hle a ni.