Finance Commission te Cheng vbc. 48,000 hu dil tum a ni.

Tun thla ni 26-a nihnih cham tura Mizoram rawn tlawh tur Finance Commission 14-na dawngsawng turin sorkar a inpeih tawh a, he hunah hian hmasawnna hna thawhna tur leh mamawh dang chi hrang hrang cheng vbc. 48,000 hu lo dil tum a ni.

Finance Secretary Pu F. Vanlalruata sawi danin Finance Commission Member te lo dawngsawng turin hian ruahmanna peihfel a ni tawh a, heng Finance Commission te hi an Chairman Dr. YV. Reddy chuan a ho dawn a, Mizoram a tualchhung sorkar aiawhtute, Political Party hruaitute leh sumdawng pawl hrang hrang hruaitu te an kawm hmasak hnuin Feb. 27 hian Chief Minister leh a Cabinet Minister te leh sorkar hotulu te an kawm leh dawn a ni Mizoram sorkar in Finance Commission hnena thehluh tura a ruahman zingah hian thil thar engemawzat a awm a. Chu’ng zingah chuan eirukna do pawl Lokayukta dinna leh enkawl zuina senso cheng vbc. 122.21 a tel a. Hei bakah hian chuan Autonomous District Council 3 te inenkawlna tur cheng vbc. 1850.66 a tel bawk a, State sorkar in rawtna liantham cheng vbc. 38,417.26-a lian a siam bakah State sorkar mamawh bik pawimawh zual atan Department 28 leh Autonomous District Council 3 te’n State Specific Needs tih hnuai ah cheng vbc.e 6,000 chuang hmanna tur ruahmanna thehluh an tum bawk a thudawn a ni.