Fire Prevention Week hawnna neih a ni

Nimin khan Serchhip-ah District Level Fire Prevention Week hawnna neih a ni a, District Bawrhsap leh Serchhip District Fire Prevention Committee Chairman ni bawk Pi Juhi Mukherjee, IAS chuan khuallian niin he hun hi a hmanpui a ni.

Serchhip DC’s Conference Hall-a he Hapta hawnna hunah hian Bawrhsap chuan Mizo-ram chu ram kang venhimna kawngah Kohhran, sorkar leh tlawmngai pawl zawng zawng te, \hahnem ngai taka an thawhho theihna state awmchhun a nih a rin thu sawiin, Mizoram sorkar chu sum leh paiah dinhmun \ha taka a la din rih loh avangin ram lam a\anga kan dehchhuahte hi kan sum hnar ber an la ni a, hei vang hian kangmei laka kan ven hi a pawimawh lehzual a ni tiin kan ram neih hlutna leh a tharchhuah theih tawk lo tla hniam zel hian ven him a \ulzia a tilang chiang hle a ni, a ti. He inkhawm hi Pu C. Lalbiaka DFO Thenzawl chuan kaihruaiin Pu JH. Malsawma EE, P&E Department pawhin thu sawiin Mizoram a electric vanga inkang tam ber chu Internal Wiring \halo leh hlui tawh te load sang tak tak kan pek \hin avang te leh a ruka energy meter kal tlang lova eirawngbawlna tura kan pawh pen \hinte nia a hriat thu a sawi a, Pu Lalrin-thanga, Manager Mizofed, Serchhip Branch pawhin eirawng-bawlna Gas fel hlel avanga kangmei chhuah theih dan te, a enkawl dan leh himna te a sawi bawk a ni.