Mizoram P/S zirlaite Arithmetic thiamna lamah an tlahniam.

Annual Status of Education Report (ASER-2013) vawi 9-na nimin a tlangzarh takah Mizoram Primary zirlai te chu Arithmetic thiam kawngah an dinhmun a hniam tih tarlan a ni.

Khawvel pum huap zirna hmasawnna atana tlawmngai pawl Pratham te zirchhianna hi nimin khan Aizawl Press Club-ah Pu K. Sapdanga'n a tlangzarh a, he zirchianna ah hian kum 2013 khan zirchiangtute hian Mizoram district 8 a khaw hrang hrang 191 an tlawhchhuak a, hetah hian naupang kum 3 a\anga 16 inkar 8542 te survey in, chhungkaw 4763 te an tlawhchhuak a ni. ASER-2013 tarlan danin, nikum chhung khan Mizoram-a pawl 3 a sorkar sikul zirlai zaa 62 te chuan simple arithmetic an chawh theih laiin private sikul ah za a 57.4 in an chawk thei a, heti chung hian Mizoram puma arithmetic an thiam dan dinhmun chu a chhe hle tih a tarlang. Right To Education Act kum 2010 tlawhchhana he zirchianna kalpui ah hian rampum huapin naupang kum 6 leh 14 inkarah sikul kai za zela 96 an awm laiin, Mizoram-ah chuan za a 99.6 in sikul an kal a, naupang kum 11 leh 14 inkar ah hmeichhia za zela 0.9 in nikum chhung khan sikul an kallo anga chut a ni. ASER chuan Mizorama private sikul naupang kal chu kum 2012 a za a 25.3 chu za a 32.4 ah an nikum chhung khan a pung tih a tarlang bawk. ASER-2013 buatsaih tute chuan an thil hmuhchhuah chu sawrkar zirchhiana nen a inang lo tih an sawi bawk.