Lenkawl

Assembly inthlanpui neih tura Serchhip, Lunglei, Lawngtlai leh Saiha District tana Election Awareness Observer atana ruat Pu Pankaj Pandey, IIS chuan Inrinni khan Serchhip rawn tlawhin inthlanpui lo awm tur atana a inpuahchahna te a hmunah a rawn enfiawh.

Mizoram MLA inthlanpui November ni 25, 2013 a neih turah a vawikhatna atan Voters Slip leh VVPAT hman tumin inbuatsaihna kalpui mek a ni.

Nikum July ni 20 zanlai dar 12:30 vela Keifang daiah Pioneer Quary chim in ZK Travels, Champhai Night Bus hnawl avanga thi 18 chhungte hnenah zangnadawmna cheng nuai 5 \heuh pe turin Zofa Welfare Organisation (ZWO) chuan Border Roads Organisation (BRO) an phut a, hei hi BRO ten an ngawihsan tlat niin an sawi a, hei vang hian, BRO hnenah hian Notice pek a, Court-a kal mai an rel.nia thudawn a ni. ZWO hian Keifang daia BRTF quarry chim vanga mi 18 thihna thleng chung-chang hi Home Ministry-ah thlenin, Home Ministry hian BRTF enkawltu BRO ah thawnin, ZWO hian reminder vawi engemawzat an thawn hnuah pawh engmah an ti zui lova, hei vang hian ZWO hotute \hukhawm chuan Court-a kal mai an rel ta nia thudawn a ni. BRTF quarry chimin Bus a hnawl ah hian mi 18 an thih bakah midang 19 an hliam bawk a ni.

MNF leh MPC ten tun inthlan-puia thawhdun an tumna chu a tluang vak lo nia sawi niin Zirtawpni khan Delhi a kal MPC President chuan an party hruaitute chu inbiakna chhunzawm tawhlo turin a rawn hrilh nia sawi a ni.

TV-ah tichhuak dawn

Tunkar Thawhlehni a\anga neih Serchhip District Level PYKKA Sports chu nimin khan zofelin Serchhip RD Block chuan point 90 hmuin an champion a, he Sports-ah hian item 10 ah inelna neih niin Serchhip RD Block aiawha tel mipa leh hmeichhia ten Judo, Taekwan-do, Table Tennis, Weightlifting leh Wrestling-ah pakhatna dinhmun an hauh a, East Lungdar aiawh hmeichhia ten Athletics, Badminton, Boxing, Football leh Hockey-ah pakhatna lain a bak item dang zawngah Serchhip RD Block aiawh ten pakhatna an hauh bawk a, he intihsiakna a ti\ha te hi State aiawha intihsiakna ah Serchhip District aiawhin an tel ang.

Nimin khan Serchhip District chhunga thuthar thehdarhtute tan Assembly inthlanpui neih tura Media Certification & Monitoring Committee kalphung leh hnathawh te zirho neih a ni.

Nimin (24th Oct. 2013) chawhma lam khan Serchhip a\anga North Vanlaiphai pan LPK Truck, Mz-06/2219 chu North Vanlaiphai thlen dawnah chesualin a khalhtu F. Lalzammawia (40), Serchhip Dinthar Veng chu a boral.

Independent Power Producers Association of India (IPPAI) chuan niminpiah khan Aizawl-a thuthar lakhawmtute kawmin Mizoram-ah Bio Mass Power Plant din an tum tih an sawi.

Mizoram Legislative Assembly inthlanpui neih tur thlirin nimin khan Lunglei leh Mamit-ah te District Standing Committee \hutkhawm neih a ni.