LPK chesual-ah a khalhtu boral

Nimin (24th Oct. 2013) chawhma lam khan Serchhip a\anga North Vanlaiphai pan LPK Truck, Mz-06/2219 chu North Vanlaiphai thlen dawnah chesualin a khalhtu F. Lalzammawia (40), Serchhip Dinthar Veng chu a boral.

Thudawn danin he Motor hi Thangruma, Sailulak ami ta niin a fapa Serchhip Dinthar Veng, Farm mual-a khawsa mek Lalzammawia hian enkawlin a khalh sak a, Dawr bungrua sem tura nimin zinga Serchhip a\anga North Vanlaiphai pana chhuakin North Vanlaiphai thlen thlen dawn Hnum bulah Motor dang (Bike) nen an inpel tur chu a lei rah in dawl lovin kawngthlang ah a tla ta a ni. He Motor ah hian mi 6 chuangin mi 4 in hliam an tuar a, hliam tuar te hi North Vanlaiphai PHC panpui an nih hnuah a khalhtu Lalzammawia hian a hliam tuar lovin nimin tlai khan a boral a, a ruang hi nizan khan Serchhip rawn thlenpui tura beisei niin Vawiin ah vuiliam a ni ang.