Assembly inthlanpui neih tura Media te mawhphurhna zirhona Serchhip-ah neih a ni.

Nimin khan Serchhip District chhunga thuthar thehdarhtute tan Assembly inthlanpui neih tura Media Certification & Monitoring Committee kalphung leh hnathawh te zirho neih a ni.

    He zirhona Serchhip District Information & Public Relations Officer (DIPRO) Office-a neih hi Pu Andrew H. Lalremruata, DIPRO chuan kaihruaiin thuthar thehdarhtute chu vantlang pawhin mipuitling leh rawn tlak a an ngaih an nih avang leh an thu leh hla chu tunlai khawtlang nun leh sukthlek kaihruaitu ber anih avangin an mawhphurhna a sang a, an \awngkam chhuak leh hawiher pawh mi ten an chik \hin tih a sawi a, inthlanna thianghlim leh felfai tak a awm theih nan mipuite hnenah an mawhphurhna te hrilhfiah a, zirtir tam a pawimawh avangin media te hi mipuite rilru hneh theitu ber leh mipuite ngaihthlak ber an nih avangin mawhphurhna sang tak an neih thu leh Election Commission of India in Media te tana dan a siamte uluk taka zawm turin leh Political party emaw Candidate duhsak bik neilo tura chahin hetiang thil hi a awm leh awm loh District MCMC in uluk a vil reng dawn tih a sawi a, dan angin a \ul anga hmalak zel ani dawn thu leh heng dan leh hrai te pawh hi mipuite hnena puangzara Model Code of Conduct bawhchhiatna a awm leh awmloh pawh thuneitute vilpui tura fuih lehchhawng turin a ngen bawk a ni.
    He hunah hian Cable TV ah politics rawngkai advertisement tihchhuah anih dawna District MCMC phalna a tel a ngaih thu te, Cable TV ten chanchinthar an puan chungchanga ECI dan bawhchhe lo tura in ven dan tur te, Candidate te rualkhai taka an programme cover sak a \ul thu leh cover mai bakah TV a tihchhuah anih huna rualkhai taka dan bawhchhe lova kalpui dan tur te leh District chhunga Advertisement rate leh thil pawimawh chi hrang hrang inhrilhhriat a ni a, chanchinbu Editor te pawh a bik taka ‘Paid News’ laka fimkhur tura thu chah niin an thuchhuah chungchangah Candidate duhsak bik neih a thianglo tih sawilan a ni a, Paid News laka an him theih nan rualkhai taka Candidate te an Chanchinbu phek luahtir \hin a ngaih thu te, Party emaw Candidate te Advertisement/Press Release an tihchhuah sak dawn reng rengin anmahni inven nan ziaka dilna phut kher turin an in chah bakah thilpawimawh tam tak sawiho a ni.