Mizoram-ah Bio-Mass Power Plant din tum

Independent Power Producers Association of India (IPPAI) chuan niminpiah khan Aizawl-a thuthar lakhawmtute kawmin Mizoram-ah Bio Mass Power Plant din an tum tih an sawi.

IPPAI Director General Harry Dhaul chuan hmar-chhakah hetiang hi 14 din mek anih thu leh Sihhmui leh Lengte chu hetiang atan hian a remchang em tih Vawiin hian enfiah an tum tih a sawi a, Mizo-ram District tinah Bio-Mass, Environment ti chhe lo tawk MW 1emaw 2 emaw pe chhuak thei chu District tinah 3 vel zel dina Kawlphetha siam-chhuah chu semzai tura hmalak an tum tih sawiin, heng Plant te hian hna-thawktu 50 vel zel a mamawh tur thu leh mi tamtak tan eizawnna a bul velah a pe dawn tih a sawi a, hei hi RKKVY leh Ministry of New and Renewable hmalakna nena herrem a kalkawp tura ngaih anih thu a sawi bawk.
    Hei bakah hian heng Bio-Mass kawlphetha siamchhuah nan hian khawpui bawlhhlawh, thingnawi, leh thildang hman tum anih thu leh hei hian ramngaw siam belh nen in mil tura duan a nih thu a sawi a, heng plant te hi hmun hrang hranga bun tawh leh thiamna finfiah tawh Gas leh kawlphetha siam chhuahna anih thu sawiin, heng hma-lakna atan hian Clearance mamawh chi hrang hrang te dil thuai tum ani tih a sawi bawk.