MLA inthlan ah Voters Slip sem tum

Mizoram MLA inthlanpui November ni 25, 2013 a neih turah a vawikhatna atan Voters Slip leh VVPAT hman tumin inbuatsaihna kalpui mek a ni.

Election department hotute sawi danin, Voters Slip hi vote nei zawng zawngte hnenah sem vek a ni dawn a, he hna thawk tur hian Booth Level Officer te chu hriattir an ni tawh a, In tinah kalin an sem dawn a ni. Joint Chief Electoral Officer H. Lalengmawia chuan, Voters Slip an sem tur chuan vote a tihpun a beisei tih sawiin, "Tunhma deuha Polling area bula party hrang hrang ten camp siama voters te number an lo ensak \hin kha a \hat rualin, mi tam tak chuan engemaw ti riauin an ngai a. Mi tam takin vote thlak tura kal an hreh phah deuh \hin nia a lan vangin slip kan sem chuan vote tla hi a pun kan beisei phah a ni," a ti. Voters te hnena slip sem hi thil thar a ni a, state dang ah an tih tawh leh tih loh an hriat bik loh thu Election thawktute chuan an sawi. Eptu party pali MNF, MPC, ZNP leh BJP ten MLA inthlan hunah Voter Verified Paper Audit Trial (VVPAT) hmang tura Election Commission an ngen chungchangah Election hotute chuan Commission in khawl a neih daihloh vangin Mizoram pumah chuan a hman theih an beisei lo tih an sawi a, hetihlai hian Assembly bial 10 ah erawh hmang turin ECI hnenah an rawt tih an sawi bawk.