MSCW Chairperson ruat

Mizoram Sawrkar chuan Mizoram State Commission for Women-a Chairperson atan C. Zodinpuii D/o Lalrinliana (L), Durtlang, Aizawl chu ruatin nimin khan Order tihchhuah a ni a, C. Zodinpuii hi thiamna lamah MSW, (Family & Child Welfare Specialization), TATA Institute of Social Sciences, Mumbai atanga zir zo niin Sawrkar hna a thawh laiin Social Welfare Department hnuaiah hna hrang hrang heng - Case Worker, Remand Home Superintendent, Residential Institute Training Centre (RITC), Durtlang-ah te lo awm tawhin, Directorate of Social Welfare & Tribal Affairs-ah Joint Director hna chelhin nikum December 31 khan pension in a chhuak a ni. C. Zodinpuii hi Protection of Women from Domestic Violence Act, 2005 ah Master Trainer a nih bakah Protection Officer in a lo awm tawh bawk a. Tuna a hna thar hi kum 3 chhung emaw, kum 65 a tlin hun emaw-ah a hmasa zawk zawk thleng a thawk thei dawn a ni.