Police ten hma la mek zel

Serchhip Police te chuan khawtlang ralmuan nan theihtawp chhuaha hma an lak mek thu an sawi.
Tunhnaia Serchhip Veng pakhat-a ruihhlo ti thin fuankhawm nia sawi Video a darh chiam hnuah Serchhip Police te chuan theihtawp chhuaha khawtlang ralmuanna atana hma an lak thu hi sawiin, Veng thenkhat-a ruihhlo ti thin kalkhawm te pawh kalchilhin a tul anga an khawm thin thu an sawi a, hei bakah hian Serchhip Bazar leh a chhehvel ah te pawh zan lamah Duty insiamin hmun hrang hrangte an fang thin bawk a ni. Ser-chhip Police te chuan he an hmalakna hi tha thlah lova kalpui zui zel an tum thu an sawi bawk.

Serchhip Police te chuan lirthei ke 2 nei (Two Wheeler) khalhtu ten Helmet (Protective Hear gear) khum ngaih pawimawh a tul thu sawi bawkin, Helmet khum lova Two Wheeler khalh chu Dan bawhchhiatna a nih mai bakah a him lo tih an sawi a. Hei vang hian ‘Helmet khum uar thla’ te pawh puanga hmalak an tum thu an sawi a, Dan bawhchhiat avanga in man ngai lo tura an himna tura Helmet khum thin turin mipuite an chah a, Driving License nei lova lirthei khalh loh tur a nih thu pawh an sawi bawk.