Lirthei endik tam tawh

Mizoram Pollution Control Board (MPCB) chuan kumin January atanga September thla thleng khan Mizoram hmun hrang hrangah lirthei 39,255 an endik tawh a, heng lirthei an endik zinga 38,619 chu boruak bawlhhlawh tichhuak lo, endikna paltlang a ni a, lirthei 636 erawhin endikna a paltlang zo lo thung. MPCB in lirthei an endik zingah lirthei ke hnih nei tam berin lirthei 24,743 chu ke pahnih nei a ni a, LMV lirthei Petrol hmangin dawtin 9,385 leh LMV Diesel hmang 4,346 endik an ni bawk. Heng bakah hian lirthei ke thum nei 479, MMV 126, leh HMV 176 endik a ni tawh bawk. Aizawl Smart City Limited hmalakna hnuaiah MPCB hian lirthei khu endik theihna lirthei panga neiin heng lirthei te hi sawrkar Department, tlawmngai pawl, zirna In leh Local Council leh Village Council-te tan MPCB-ah dilna thehlutin koh theih an ni tih MPCB hotute’n an sawi a ni.