Mizoram-a thar Grape MT 3640 lei sak dawn

Sawrkar laipui-a Ministry of Agriculture and Farmers Welfare chuan kumin-a Mizoram-a Grape tharchhuah Metric Tonne 3640 chu kg khatah Rs. 50-in a lei sak dawn.

Ministry of Agriculture and Farmers Welfare tarlan danin Mizoram sawrkar hmalakna in Mizoram-a Grape chingtute tharchhuah sawrkar laipuiin a lei tur chuan nasa takin hlawkna a pe dawn a, kum 2024 chhunga an Grape tharchhuah Metric Tonne 3640 chu kg khatah Rs. 50-in a lei sakin hei hi Market Intervention Price (MIP)-a lei turin a rel a ni.

He hmalakna hi Mizoram-a Grape chingtute chu an tharchhuah man man zawka an hralh theihna tur leh sum lamah hlawkna an hmuh theihna tura ruahman niin a man bithliah thlap in a lei sak dawn a, kuthnathawktute hlawkna tam tak a pe dawn a ni.