SHC-ah MNF in Campaign Kick-off an nei

Sinlung Hills Council inthlanna neih tur pualin MNF chuan nimin khan khaw hrang hrangah Campaign an tan.

Sakawrdai-a Campaign Kick-off a hmanpuinaah Opposition Leader Lalchhandama Ralte chuan ZPM chu State-ah sawrkar mah se, chhungtin thleng phak thiltih engmah an nei lo tih a sawi a, “Thla 10 lek kan la hrawn chhûng hian kan ti ang an ti engmah an ti lo, kan ti lo ang an tih ang zêlin an ti zâwk a ni,” a ti a. MNF an sawrkar lai khan New Vervek atanga Tuivai inkar motor kal thei tawh lo black top-in an siam that leh vek thu sawiin, an sawrkar laia an hmalakna, bul an tan tawhte chu ZPM sawrkar chuan an tih anga an sawi thu a tarlang bawk. He hunah hian Sakawrdai North MNF leh HPC (R) Candidate Melody Lalchhuangzeli leh Lalhriatchhunga Hmar, Sakawrdai South MNF leh HPC (R) Candidate in thu an sawi ve ve bawk a ni.