CM hovin MLP Act leh Rules sawiho a ni

Chief Minister Lalduhoma chuan nimin khan a Pisa-ah Excise & Narcotics Department hotute kawmin The Mizoram Liquor Prohibition Act, 2019 leh The Mizoram Liquor Prohibition Rules 2022 kenkawhnaa thil pawimawh thenkhatte bakah Dan hman mek tihphuisuina tur thenkhat a sawipui.

He inkawmna ah hian Ruihhlo dona chungchangah Chief Minister chuan, “Sawrkar hian a tir phat atangin ruihhlo dona ah theihtawp kan chhuah nghal phat a, A bik takin Excise & Narcotics Department leh tlawmngai pawl hrang hrangte hmalakna hi fakawm ka ti hle a. Tih takzetin an bei tih a hriat. Chutih rualin kan hmabakerawha la ko hle a ni. Thahnem ngai takin ruihhlo hi bei zel tur kan ni,” a ti bawk.

He inkawmna hunah hian Excise & Narcotics Minister Lalnghinglova Hmar leh Excise & Narcotics Department changtu Secretary Lalramsanga bakah Commissioner of Excise & Narcotics Z. Lalhmangaiha leh Senior Officer thenkhat te an tel a ni.