Chhunthar Tlangnuam-ah Futsal Tournament hawng

Zonuna Kawlni /

Agriculture Minister leh Tuikum bialtu MLA PC. Vanlalruata chuan Inrinni khan a Bial chhung Chhuanthar Tlangnuam-ah ‘Khuangchawi Thla Vangpui Chhuanthar Futsal Hunpui’ a hawng.
 He Futsal Hunpui hawnna hunah hian Agriculture Minister chuan infiamna hunpui leh hmunhma buat-saihtute fakawm a tih thu sawiin, kumthar-a Tournament neih leh hunah chuan Artificial Grass-ah ngei an khelh theih tawh a beisei thu a sawi a. Infiamna chu taksa hrisel nan mai nilo, rilru hrisel nan te pawh a tangkai tih sawiin, Infiammite chuan hlawhtling turin mahni inthununna (discipline) neih that te, taihmak leh teirei peihna te, thahnem ngaihna leh tumruhna nena theihtawp chhuah a tul thu a sawi bawk a. Khuangchawi Thla Vangpui Chhuanthar Futsal Tournament-a tel te duhsakna hlanin, rilru thianghlim tak nen hlawk taka hmang turin a chah a. Tournament chhunga an hman atan Futsal Ball 5 leh cheng nuai khat a hlan nghal bawk a ni.

Khuangchawi Thla Vangpui Chhuanthar Futsal Tournament hawnna hun hi Tlangnuam Sporting Club President R. Ramnghaka chuan kaihruaiin hemi hnu hian inkhelh chhunzawm nghal a ni.

Comments

Post a Comment

Popular News (Last 30 Days)

Khaw thlan ah E. Lungdar tel

Zonuna Kawlni /
Image
Sawrkar laipui Ministry of Panchayati Raj, Govt of India chuan October 2, 2024-a Gram Panchayat Development Plan (GPDP) 2025-26 siamna tur atana People's Campaign nei tura Special Gram Sabha cum Orientation/Training Prog-ramme neihna tura ramchhunga khua 750 a thlang a, Mizoram atangin khaw pathum thlan niin Serchhip District atangin East Lungdar chu a tel a, hemi atan hian cheng nuai khat pek an ni ang.
Kimchang zawkin »