QRT ten Training an nei

Serchhip District-a Quick Response Team (QRT) te chuan nimin khan chhiatna a lo thlena hliam tuar te bawihsawm dan zirna, Basic First Aid Training an nei.
He Training hi Serchhip DC Meeting Hall-ah neih niin Addl. DC Lalrinzuala chuan a ho a, Training hawnna hun hi DM&R Nodal Officer Dr Marilyn Lalruatkimi chuan a kaihruai a, District Organizer Vanlalduhi Ralte chuan Training chungchanga hriat tur pawimawh hrang hrangte sawiin, Training neih zawh hnu hian Addl. DC Lalrinzuala chuan training chhuak te hnenah Certificate a hlan a ni.

Quick Response Team (QRT) te hian nunna chhan nana thil pawimawh chi hrang hrang an zir zingah Cardiopulmonary Resuscitation (CPR) te, ruh tliak tuahrem leh themdawh dan te, chhiatrupna a lo thlena hliam tuar te nat dan a zira thliar leh enkawl dan te a tel a. District Hospital Serchhip-ah Training hi chhunzawm leh a ni bawk.