Vawk thi 9 lai awm belh leh

Serchhip District-ah nimin khan African Swine Fever (ASF) vanga Vawk thi 9 lai chhinchhiah belh niin Vawk 17 zet suat leh a ni bawk.
AH& Vety Department ten an chhinchhiahna atanga a lan danin nimin khan Serchhip District-a Veng leh khua 4-ah ASF vanga Vawk thi 9 a awm belh leh a, heng zinga 4 te chu Serchhip Dinthar Veng-ah niin Baktawng leh East Lungdar-ah Vawk thi pahnih ve ve chhinchhiah a ni a, Khaw-lailung-ah Vawk thi pakhat chhinchhiah belh a ni bawk. Nimin vek khan khaw pathum-ah Vawk 17 suat leh a ni bawk a, heng zingah 11 te chu Khawlailung khuaa mi te niin Baktawng-ah 5 leh Chhiahtlang-ah pakhat suat a ni bawk.

Heti hian kumin chhungin Serchhip District-ah ASF vanga Vawk thi 3433 chhinchhiah a ni tawh a, Vawk 6971 suat ni tawh bawkin khaw 31-a chhungkaw 2098 ten ASF avang hian harsatna an tawk tawh a ni.