India Mobile Congress-ah ICT Minister a tel

Ni li (4) chhung awh tur India Mobile Congress (IMC) 2024 chu New Delhi-a Bharat Man-dapam-ah niminpiah khan Prime Minister Narendra Modi chuan hawngin Information & Communication Technology (ICT) Minister Dr. Vanlalthlana chu a tel a ni.

India Mobile Congress hi tum riat (8) an hmanna niin he intawhkhawmah hian Telecom Company lian te, Smartphone siamtu Company lian te, Chip siamtu Company-te bakah Artificial Intelligence startup-te chuan an thil siamchhuah tharte entirin an phochhuak a. IMC 2024 bakah hian Prime Minister chuan International Telecommunication Union buatsaih World Telecommunication Standardisation Assembly (WTSA) 2024 chu a hawng nghal bawk a ni. IMC 2024-ah hian State leh UT-a IT Minister-te chu tel tura sawm niin October ni 15 atanga ni 18 thleng a awh tur a ni a. He hunah hian sawrkar leh Corporate atanga mi thiamte telin Information & Communication Technology (ICT) leh Internet of Things (IoT) thila India theihna leh hmasawnna tur hrang hrang zira sawiho a ni bawk.