International Day of the Girl Child kharna hmang

Kumin October 2 atanga hman ‘International Day of the Girl Child 2024’ kharna chu nimin khan Serchhip P&E Veng YMA Hall-ah neih a ni.
District Hub for Empowerment of Women leh Poshan Abhyan, Women & Child Development Serchhip tangkawp in an buatsaih ‘International Day of the Girl Child 2024’ kharna hun hi Poshan Abhyan-a District Coordinator James Lalremliana chuan kaihruaiin District Mission Coordinator Lalvensanga hnen atangin International Day of Girl Child hman a nih dan leh he ni thupui, ‘Girls' vision for the future’ chungchanga thusawi ngaihthlak a ni a, Shakti Shadan-a Office Assistant Lalrin-ngheti hnen atangin hmeichhiate humhimna hmun Shakti Shadan chungchang ngaihthlak a ni bawk.

He hunah hian Badminton-a Serchhip District hming tithatu Hmeichhe naupang, Local Girl Champion, Lalrempuii d/o Albert Lalrosanga (L), Ramthlun Veng hnenah chawimawina thuziak leh pawisa fai Rs. 3000/- hlan a ni a, Anganwadi Centre hrang hrang leh Primary School zirlaite tana Rangoli Competition buatsaih lawmman sem a ni bawk.