MZU Vice Chancellor in tlawh

Mizoram University (MZU) Vice Chancellor Prof. Dibakar Chandra Deka chuan nimin khan Govt. Saitual College tlawhin College Principal Lalzarmawia leh thawktu ten an lo dawng-sawng a, MZU Vice Chancellor chuan Govt. Saitual College chu Aizawl khawpui pawn College a tlawh hmasak ber a nih thu a sawi a. NEP an kalpui atangin nakum hi kum 3 an zirna leh graduate hun tur a ni tawh dawn tih sawiin, NEP-in a duan anga kum 4 zir thei turin College chuan ruahmannna a nei em tih zawhna a nei tih a sawi a. NEP in a ruahman anga kum 4 chhung zir tur kalpui a nih theih chuan zirlai naupangin kum khat chauh University an kal a ngai tawh dawn a, chu chu thingtlang leh chhungkaw harsa zawk atanga zirlaite tan malsawmna thlentu a nih theih tur thu a sawi bawk. MZU Vice Chancellor hian Govt. Saitual College a tlawh zawh hian Govt. Khawzawl College leh Govt. Champhai College te a tlawh leh dawn a ni.