Ni 2 awh tur Mizoram Literature Festival neih a ni

Ni hnih (2) awh tur Mizoram Literature Festival chu nimin khan Aijal Club, Aizawl-ah neih tan a ni.

Mizoram Literature Festival Organising Chairman Vanlalruata Ralte chuan Akashvani palai zawhna chhangin Mizoram Literature Festival chu a tum khatna a nih thu leh The Book Cafe, Aizawl leh Sahitya Academy tangkawp buatsaih a nih thu a sawi a. India ramchhungah tawng avangin mihring an inthen hrang nasa hle tih sawiin, chu inthenhranna chu mipuite thenhrangtu ni lo a, literature hmanga pawtkhawmtu a nih zawkna turin an duh thu a sawi a. Social Media in zawimuangin ziak leh chhiar a rawn luahlan chho avangin lehkhabu chhiar lama phurna thar tuh an tum thu a sawi bawk.

Mizoram Literature Festival huaihawt a nih theihna tura mi pawimawh hrang hrang hnenah lawmthu sawiin Mizoram Literature Festival Organising Chairman Vanlalruata Ralte chuan, Mizoram Literature Festival chuan nghawng tha tak nei se duh thu a sawi a. Zirlai tam tak, ti ve mai mai thin ten literature chu tuichilh tak tak se a duh thu leh literature chu ram hruaitu tha, mi fing siamtu a nih thu a sawi a. Ziakmi mai bakah lehkhabu chhiar thin lo pung se, mipuiten tan la thar leh se tih chu an duh ber a nih thu a sawi bawk.

Mizoram Literature Fetival-ah hian ziaktu hrang hrang - Prof Joy LK Pachuau Jerry Pinto, Shinie Antony, Sanjoy Hazarika leh midangte an lokal a. India rama Dominican Republic Ambassador HE David Piug pawh a tel bawk a ni.