Siaha District-ah TB vei 34 hmuh an ni tawh

Siaha District-ah kumin chhungin TB vei mi 34 hmuhchhuah an ni tawh a, TB vei enkawllai mi 98 an awm mek bawk.

Nimin khan Siaha-ah District Tuberculosis Forum chu thukhawmin he huna tarlan a nih danin District TB Centre Siaha-ah kumin January atanga nimin thleng khan Sputum (khak) sample 314 test tawh niin heng zinga 34 te chu TB vei an ni tih hmuhchhuah a ni a, tun dinhmunah Treatment la mi 98 an awm mek bawk a ni. National TB Control Programme chu kum 1992 khan tan a ni a, kum 2002-ah Revised National TB Control Program tia thlak niin kum 2020-ah National TB Elimination Program a thlak leh a ni a, nakum 2025-ah India atanga TB natna hi umbo tum niin nimin thutkhawm ah hian Siaha District chhunga khaw tam thei ang ber TB awm lohna khua (TB Free Village) a puan a nih theih nan theihtawpa hmalak nise an ti.