DCDC hnuaia Joint Working Committee thukhawm

Nimin khan Khawzawl-ah District Cooperative Development Committee hnuaia Sub-Committee, Joint Working Committee chu thukhawmin Khawzawl District hmun hrang hranga Cooperative Society dinhmun an sawiho a. He hunah hian Sahakar-se-Samriddhi Policy (Cooperation through Cooperatives) hnuaiah Cooperative Society hrang hrang, Primary Agriculture Cooperative Society (PACS) te, Dairy leh Fisheries lam pawl din sawrkarin rem a tih avanga thutkhawm hi neih a nih thu tarlan niin heng pawl hrang hrangte dinna hmun tur te, pawl thiah (liquidate) ngai te, pawl hrang hrang kalhmang leh thawh dan tur chungchanga thurawn leh tanpuina pek dan tur hrang hrangte leh thil tul dang te rel a ni. Committee hian PACS 15, Dairy Cooperative Society 1 leh Fisheries Cooperative Society 1 din a rel a, heng din thar tur te hi Khawzawl khaw hrang hranga thlai chingtu te awm dan azira rel a ni.