Champhai Auditorium sak mek a hmunah tlawh

Champhai North bialtu MLA leh Adviser to CM (Technical) Er. H. Ginzalala chuan nimin zing khan Champhai DC Office hmunhlui-a Champhai Auditorium sak mek chu a hmunah tlawhin hnathawh mek te a en a, Auditorium hi sq. m 2878.6 a zau tur niin mi 800-1000 bawr leng tur a ruahman a ni a, a sakna tur hi North Eastern Council (NEC) aangin cheng nuai 1295.98 hmuh a ni a. Hei bakah hian Mizoram sawrkar atangin Canopy siamna tur, Parking Area tihzauhna leh a panna kawng laihna tur sum hmuh a ni bawk. Champhai Auditorium hi tun dinhmunah a hmunhma laih rem hna thawh mek a ni a, a satu Contractor SK Construction te chuan October thla chhung hian bungrua in lakkhawm fel a, sak tan vat theih an inbeisei thu he hunah hian an sawi a ni.