Eizawnna siam dan sawiho

Nimin khan Khawzawl DC Meeting Hall-ah Khawzawl District chhunga buhbal, thlai leh sa hmanga eizawnna mumal tak siam chungchang sawihoin Addl. DC Lalfakzuala hovin thutkhawm neih a ni a, Buh, Alu leh Hmarcha chin chungchang bakah Arsa, Sangha, Kelsa leh Artui hmanga intodelhna siam chungchang relin, hetiang eizawnna hmang mi tam zawkin an hlawk pui theih dan sawiho a ni. Thlai chinna lama harsatna chi hrang hrang, tui harsatna te, kawng tha tawk lo te, hralhna tur hmuh hnem tawk loh te leh thil danga tanpuina pek dan tur te sawiho a ni a, ranvulhte tan hlawk zawk leh zau zawka sa leh artui hralh theih dan tur te sawiho a ni bawk.