Serchhip-ah 'Tobacco Free Youth Campaign 2.0' hawng
Serchhip DC Pisapui Hall-a he hun hman hi Bawrhsap Paul L. Khuma chuan hmanpuiin 'Tobacco Free Youth Campaign 2.0' hi a hawng a, Bawrhsap chuan he hmalakna kalpui tur hian zuk leh hmuam la ti lo zirlaite chu a tinzawn tih sawiin, Pathian in mihring te min siam a, taksa min pek te hi vaihlo leh a khu hmanga kan chawm reng tura duan a ni lo tih sawiin, heng Vaihlo leh a kaihhnawih hmanga kan chawm reng a nih chuan tunah langchhuak nghal lo mah se kan taksa in tawrh hun ala neih dawn thu a sawi a. Hei mai bakah hian heng vaihlo leh a kaihhnawih te hian kan nunna min pawhsei sak lo mai ni lovin kan taksa leh rilru ti chak lo tu, zirlaite tana har-satna thlentu zawk a ni tih kan hriat a tul thu a sawi bawk.
.jpeg)
Bawrhsap chuan vaihlo leh a kaihhnawih avang hian India ramah kumtin mi nuai 13 vel an thi tih pawh sawiin, hei hi Mizoram mipui zat vel dawn a ni tih a sawi a, Vaihlo leh a kaihhnawih tih chhin loh a pawimawh thu sawiin, lo ti chhin tawh leh nghei duhte tan Tobacco Cessation Clinic (TCC) chu pan theih reng a nih thu a sawi a, “Heng vaihlo leh a kaihhnawih te hian kan taksa leh kan Society tan hian thil tha a thlen miah lo a ni,” tiin Tobacco free lifestyle nei turin he huna kalkhawmte chu a sawm a ni.
Serchhip District-ah hian 'Tobacco Free Youth Campaign 1.0' chu nikum lam khan kalpui a lo ni tawh a, kumin hian 'Tobacco Free Youth Campaign 2.0' hi ni 60 chhung kalpui tur niin nimin a he Campaign hawnna hun hi Serchhip-a Sr. CMO Dr. LP. Malsawma chuan a kaihruai a, NTCP Serchhip District atangin Vaihlo leh a kaih-hnawih khapna dan chi hrang hrang zirho niin he beihpuithlakna tur puala thutiam chu he huna tel te hian an chhamrual bawk a ni.
Comments
Post a Comment