VLDMC ten training an nei

 Hnahthial District chhunga Village Level Disaster Management Committee (VLDMC) te tan khuarel chhiatna hrang hrang laka Hnahthial District him tlan theihna tur leh chhiatna thleng a awm palh pawh a chak leh awmze nei zawk a hma lak anih theihna tur chungchang zirhona chu nimin khan Hnahthial DC Conference Hall-ah neih tan a ni a, Chhiatna a lo thlen thulhah mipui te tlan khawm theihna tur Emergency Operation Centre (EOC) atan Hall emaw, Bazar emaw, School emaw lo ruahman lawk te, Medical lam basic first aid lo thiam lawk te bakah chhiatna lo thlen palh pawh a ei leh in tur lo ngaihtuah lawk te a tul thu tarlan a ni.

Village Level Disaster Management Committee (VLDMC) hi District Administration, VC leh YMA te thawhhona tura duan niin Member atan pawh thlan that ngai lovin VC leh YMA te ruat nghal an ni a. Chairman-ah VCP niin Vice Chairman-ah YMA President leh Secretary-ah YMA Secretary te ruat an ni.