State Level Kala Utsav nei

Samagra Shiksha hnuaia hmalakna chi khat, Hnam ziarang hmanga zirlaite intihsiakna, State Level Kala Utsav 2024 chu nimin khan Aizawl Chanmari YMA Hall-ah neih a ni a, he hunah hian Category 6-ah zirlaite intihsiakin Vocal Music-ah Govt. Mizo Higher Secondary School, Aizawl; Instrumental Music-ah Govt. High School, New Siaha; Dance-ah Govt. Mizo Higher Secondary School; Theatre-ah Academy of Arts and Sciences, Champhai; Visual Arts-ah Khawzawl Higher Secondary School Khawzawl leh Traditional Story telling-ah Govt. Mizo Higher Secondary School te chu pakhatna niin National Level-a intihsiakna neih turah Mizoram aiawhin an kal dawn a ni.