Petrol leh Diesel phurtu lirthei pahnih man a ni

Inrinni zan dar 9:00 vel khan Kawnpui Police Station-a duty te chuan an thudawn bawhzui-in Kolasib atanga Diesel leh Petrol phurtu lirthei pahnih an man.

Thudawn danin Kawnpui Police duty ten lirthei (SML Tripper) an man te hi Rorelliana, Kawlchaw, Lawngtlai District a cheng ta leh ama khalh bakah hnamdang Natab Uddin, Assam a mi khalh, Rorelliana hman te nia hriat a ni a, heng Motor te hian Kolasib Khuangpuilam a ATS Filling Station atanga an lak Petrol litre 4,620 leh Diesel litre 4,400 an phur a ni. Thudawnna in a sawi dan chuan tunlai hian Lawngtlai leh a chhehvelah tuialhthei a harsa hle a, Diesel leh Petrol te hi Lawngtlai leh a chhehvela a mamawhtute hnenah phalna nei lo leh man to taka hralh tur niin an sawi bawk.