White Cane Day-ah mipuite hnenah ngenna siam

Nimin October 15, 2024 kha Khawvel puma mitdel te tiang var hman tan ni, White Cane Day a ni a, Mizoram Blind Society chuan Mitdel tiang hawla khawlaia kal diamdawi thiama an tiang hawl zahsak turin an ngen tih an sawi.

Mizoram Blind Society chuan White Cane Day puala thuchhuah an siamah Mitdel ten khawvel hran an nei lo tih sawiin, zalen leh thlamuang taka khawlaia an veivah theih nana anmahni hmangaihna leh hriatthiamna nena tanpui thin turin Zoram mipuite leh Sawrkar, Kohhran leh Khawtlang hruaitute zawng zawng an ngen a, khawlaia mitdel tiang hawl te dimdawi thiam theuh turin mitin te an ngen tih an sawi bawk.

Kum 1921 khan thlalaka eizawng James Biggs chu accident vangin a mit a del a. A mitdel hnu hian khawlaia a chhuah changin tiang var a hawl thin a. A tiang hawl rawngvar a hnawih chhan chu lirthei khalhtute leh kawtthlera veivak midang ten amah chu khaw hmulo, mitdel hriat-thiam ngai a ni tih awlsam taka an hriat theih nan a ni. James Biggs-a tiang hnawih var hi a tangkai em avangin khawvel hmun dangah pawh an lachhawng ve ta zel a ni.