BCM Bial Inkhawmpui tiak

Serchhip-a Baptist Church of Mizoram (BCM) Pastor Bial pahnih te chuan nimin Pathianni hmang khan Rorel Inkhawm leh Bial Inkhawmpui an nei a, BCM Serchhip Pastor Bial ten BCM Biak In, Moria (Darnam Veng)-ah Rorel Inkhawm leh Bial Inkhawmpui hi neiini BCM New Serchhip ten BCM Biak In, New Serchhip-ah Rorel Inkhawm leh Bial Inkhawmpui hi an nei a ni.

BCM hnuaia Fellowship Department hrang hrangte hian Inkhawmpui hi a hranga nei lovin a rualin an nei thin a, Ningani atang khan Thalai Kristian Pawl (TKP), Baptist Mipa Pawl (BMP) leh Baptist Kohhran Hmeichhe Pawl (BKHM) te chuan Rorel Inkhawm neiin Inrinni khan Bial Rorel Inkhawm neih leh a ni a, zan lamah leh nimin lamah Pathian biak Inkhawm neih a ni bawk.

Tun dinhmunah BCM hnuaiah hian Area Baptist Council (ABC) 17-ah Pastor Bial 92 awmin, Kohhran member 1,79,780 an awm mek a, Bial Inkhawmpui hi BCM pastor Bial hrang hrangah neih a ni.