Saitual-ah Agricultural Marketing Committee thukhawm

Nimin khan Saitual-ah a vawi khatna atan District Agricultural Marketing Committee chu an Chairman leh Bawrhsap Dr. Lalngura Tlau hovin an thukhawm a, he thutkhawmah hian thlai thar hralh dan tur chungchanga Saitual District chhunga khaw hrang hrang 44-te atangin FPOs/FPCss/SHGs rin zui theih turte thlirho a ni a, chung zingah chuan Sawrkar Flagship - Hand Holding Policy hnuaia District Horticulture Office in Village wise Multipurpose Farming/Cco-operative Societies din tawh 44 a rawtna chu pawm a ni. Heng bakah hian Secondary Collection Centre atana District chhunga Warehouse, Godown leh Market sheds awmsa te rin ni se tih a ni a, Khanpui (210 MT), Mualpheng (210 MT), Keifang (210 MT), F&CS godown Saitual (300 MT) leh MOVDC Hliappui (210 MT) te rin zui tura tih a ni.

Hei bakah hian thlai thar hralh sen loh tihralna tur Processing Unit din dan turte sawi zui a ni a, chumi atana hmunhma ngaihtuah chungchang te, Society 44-te tana Chairman leh Secretary-te training neih dan turte sawiho a ni.