PACS-a thawktute tan Training buatsaih a ni

Mizoram Cooperative Apex Bank Ltd. (MCAB) bultumin Mizoram-a Primary Agricultural Credit Societies (PACS) hrang hrang Computerised tawh 25 te tan ni thum awh tur training chu nimin khan Emerald Hotel Conference Hall, Aizawl-ah neih tan a ni a, he training-ah hian PACS Manager-te, PACS Computerised Software khawihtute kohkhawm niin System Integrator, Satra Services & Solutions Pvt. Ltd. atanga lokal ten zirtirna an pe a ni. Sawrkar laipui Ministry of Cooperation chuan PACS Computerisation project hi kum 2022 khan bultanin India ram puma PACS 63000 te khawl changkang zawk hmanga thuamthat (Computerised) nan cheng vbc. 2,516 senna tur a ruahhman a. He project hian a tum ber chu hmun kilkhawr zawka awm te'n Bank hmang kher lova pawisa khawl, loan lak leh pawisa inthawn nana PACS-te an hman tangkai theihna tura tihchangtlun a ni.