Field chhawng sak mek tlawh

MNF Thalaite chuan Aizawl Zarkawt-a High School Field a chhawnga sak mek chu Inrinni khan an tlawh tih an sawi.

MNYF ten thuchhuah siama an tarlan danin Zarkawt-a High School Field hi Aizawl Smart City sum cheng vbc. 16.06 hmanga a chhawnga sak mek a ni a. A chhawng hnuai ber hi parking tur niin Car 39 leh Two Wheeler 16 dahna tur niin a dawttu pawh hi Parking tur tho niin Car 41 leh Two Wheeler 29 dahna tur a ruahman a ni a. Field-ah hian Phullem phah tur niin a Field sir kual chhuaka dawhsan a ni a, ke a kal kualna changkang taka siam a ni.

MNYF hian Armed Veng-a 1st MAP Football Ground behchhana Field chhawng sak pawh a hmunah an en tih sawiin, Field hi Phullem phah zawh tawh niin a sir hnuaiah hian in chhawng 3 a awm a, Mizoram-a In lianber ni a sawi a ni tih an sawi a. Thalaite mamawhna hriaa MNF sawrkar in Field chhawng siama a lo ruahman chu ropui an tih thu an sawi bawk.