Mizoram Samagra Shiksha sum hmuh pung dawn

Mizoram Samagra Shiksha hnathawhna atana Project Approval Board (PAB)-in a pawm chin tarlanna ah Mizoram Samagra Shiksha-in kum 2023-24 chhunga sum a hmuh tur chu vbc. 560.72 niin kum hmasa aia a punna hi zaa 49.2 a ni.

Mizoram zirna tarlanah mihring chenna khaw awm zat atanga zirna School hawn Gross Access Ratio (GAR) a pung a, GAR hi Elementary-ah zaa 97.29, Upper Primary School-ah zaa 95.2, Secondary School-ah zaa 81.96 leh Higher Secondary School-ah zaa 47.87 a ni a. Naupang zawng zawngin School an kal theih nan School hawn belh zel a ni dawn a, Primary leh Upper Primary School inkawp 2 leh Secondary School 3 te hawn belh a ni dawn a, Higher Secondary School-ah Science, Arts leh Commerce la awm lohna School 14 ah hawn belh a ni dawn a, hengte hi Science zir theihna 7, Arts zirna 6 leh Commerce zirna pakhat te a ni. Heng bakah hian Science leh Arts Stream inkawp School 1-ah hawn thar a ni anga, Science leh Commerce inkawp hmun 2 ah hawn a ni bawk anga. HSS neih tawh sa School pakhat ah Science zirna pek belh a ni anga, School dang pakhat ah Commerce zirna pek belh a ni bawk ang.

Vocational Education (VE) chu Secondary School 46 ah hawn belh a ni dawn a, School 7-ah Job Role 2 theuh pek an ni anga, School 39 ah Job Role 1 theuh pek belh an ni ang. CSS Hindi teacher te hlawh tur hmuh a ni a. ICT facility chu Elementary School 157 leh Secondary School 60-ah pek an ni dawn a, Primary Teacher 2652 te hnenah zirtirna atana hman tangkai tur Tablet pek an ni dawn bawk. School tha lo sak thatna tur leh repair-na tur hmuh a ni a, Girls Hostel 3 leh KGBV building sak thatna tur hmuh a ni a, Residential Quarters 10 sakna tur hmuh a ni bawk. Hun rei tak chawlhsan tawh Pipe Band Academy chu District 10-ah pek thar an ni dawn bawk.

Heng bakah hian Hnahthial leh Khawzawl District-ah DIET hawn thar a ni dawn a, Aizawl DIET building sak thatna tur leh SCERT building sakna tur te hmuh a ni bawk a. Zirlai ten Science zirnaah hriatthiamna thuk zawk an neih theih nan HSS Science stream tan bilingual textbook (English leh Mizo-a ziah) siam a ni dawn a, MBSE zirlaibu Class I - XII te chu Braille textbook large print a siam a ni dawn bawk. Ziak leh chhiar bulthut zirtirna NIPUN Bharat atan Class I - V zirtirna tur hmuh a ni a, Grassroots Sports Development Centre 40 neih mek chu belhchhahin Centre 6 dang siamna tur hmuh niin Pre Primary School 49 hawn belh a ni dawn a, BRC thuamthatna tur hmuh niin Aspirational District Mamit-a School 10 tan Tinkering Lab hmuh a ni bawk.