Posts

LENKAWL ADS (In sak tum tan) :

Image
 

Serchhip District-ah Zirlaibu semchhuak zo thawkhat

Image
School Academic Session thar atan Samagra Shiksha Serchhip District chuan Zirlaite hnenah a thawh khatna atan Zirlaibu an semchhuak fel ta a, zirna In hrang hrang ten zirlai naupang an neih zat hriatchian theih a nih hnuah sem chhunzawm leh tur a ni ang.

VC thar ten Training an nei

Image
Village Council Inthlanpui neih zawh taka Serchhip District-a thlantlin te tana Orientation Training hmasa ber chu nimin kan neih tan a ni.

SCC enkawltute tan Serchhip-ah training buatsaih a ni

Image
Nimin khan Serchhip DC Meeting Hall-ah District Agriculture Marketing Committee (DAMC) Serchhip buatsaihin Serchhip District chhunga Secondary Collection Centre (SCC) enkawltute tan training buatsaih a ni.

Election Officer sawn

Image
Serchhip-a Election Officer leh DCIO hna chelh mektu F. Lalnisai chu Aizawl District-ah Assistant Commissioner hna chelh tura sawn a ni a, he hna chelh mektu Lalchhanhimi chuan a rawn thlak dawn a ni. Hemi rual hian Serchhip SDO (Sadar) hna chu Rebecca Laldinmawii Hrahsel chuan thawk chhunzawm lehin Gaston Vanlalhriatpuia chuan Setflement Officer leh DUDO hna te a chelh chhunzawm dawn a ni.

Naupang talent zawn nan Tuichangral Championship hman a ni dawn tih Chief Minister in a sawi

Image
Chief Minister Lalduhoma chuan nimin khan East Lungdar-ah ‘Tuichangral Championship 2025’ chu hawngin Tuichangral Championship chu naupang talent zawn nan an hman dawn thu a sawi.

Sawhthing lei kalpui zel

Siaha District-ah Mizoram Sawrkar Flagship Programme ‘Bana Kaih’ hnuaia Sawhthing lei leh hralh hna kalpui mek a ni a, an District ah hian Secondary Collection Centre (SCC) pahnih awmin Tipa SCC atangin Sawhthing kg. 61,124 lei tawhin kg. 34,119 hralh a ni tawh a, Siaha SCC-ah Sawhthing kg. 51,938 lei tawhin kg. 45,505 chu hralhchhuah a ni tawh bawk a ni.

Governor zin dawn

Mizoram Governor General (Dr) Vijay Kumar Singh chuan Vawiin hian Lawngtlai District a tlawh dawn a, Governor dawnsawn dan tur hi nimin khan Bawrhsap Cheemala Siva Gopal Reddy IAS hovin sawiho a ni. Governor hian Helicopter hmangin Lawngtlai hi a thleng anga, sawrkar hotute nen inkawmin an District dinhmun te an thlirho dawn a ni.

MIS-a tling lawmpuina hlan

Moriah Association for the Blind-a Board Member leh Zirtirtute chuan kum 2005-a kum 5 mi ni-a an enkawl, N. Vahneichhi s/o N. Ngohu chu MIS-a tlin avangin lawmpuina an hlan a, N. Vahneichhi hi Mizoram Information Sevice (MIS)-ah tlingin tunah hian IPRO hna a chelh mek a, Moriah Association for the Blind hian lawm-puina thuziak hlanin an Chairman Dr. H. Lallenmawia leh Founder Vice Chairman PB. Sangthanga te chuan thu an sawi a, Vahneichhi pawhin he hunah hian lawmthu a sawi bawk a ni.

Fur atan inpuahchah mek

Nimin khan Lunglei-ah District Bawrhsap leh District Disaster Management Authority (DDMA) Chairman Navneet Mann hovin Fur lo thleng tura chhiatna hrang hrang thleng thei laka inpuahchahna sawiho a ni a, DDMA Chairman chuan Mizoram-ah Fur ruahsur avangin khuarel chhiatna hrang hrang - leimin, tuilian leh chumi avanga kawng pingte'n nunna leh In leh lo channa a thlen bakah nunphung pangngai a tihkhaihlak thin avangin heng chhiatna thleng thei lakah hian inralrin lawk a tul thu a sawi a. Hmasawnna hna thawh hrang hrangte chu Fur thlen hmaa thawh zawh a nih theih nan leh chhiatna thleng thei laka himna turin Works Department-te leh a bikin kawngpui zauh hna thawh mek enkawltu NHIDCL te chu chak taka hma la tura chahin, Department hrang hrangte pawh eng, tui, kawng, buhfai, ni tin mamawh, hriselna kaihhnawih leh thil dangah Fur laia harsatna a awm loh nan mahni zawn theuhah inpuahchah turin a chah a ni.