LADC-ah CEM thar lalut

Lai Autonomous District Council (LADC) Sawrkar thara Chief Executive Member (CEM) atan nimin khan Lawngtlai Chandmary Bialtu MDC atana MNF Party atanga thlan C. Lalsawmzuala chu lakluh a ni ta a, Lawngtlai Bawrhsap Donny Lalruatsanga chuan CEM thar hi lalutin CEM thar hian Deputy CEM atan Sanghuliana Mualchin bakah Executive Member atan Lalzahawma Chinzah, HC. Lalengkima leh H. Vanlaltanpuia te ruat an nih thu a puang nghal a, Sawrkar fu ke kim nan chanvo nei tur dang chu remchang dangah la siamfel a nih tur thu a sawi bawk.

CEM thar lakluh a nih hnu Vawiin hian LADC-a Chairman thlanna chu Protem Chairman C. Hrangthianga kaihhruaina hnuaiah neih nghal a ni dawn a, nimin tlai dar 3:00 thleng khan Chairman thlanna chuh tumte tan hming pekluhna hun hawn niin MNF leh Congress te thawhdunna, United Legislature Party (ULP) atangin South Lungpher Bial atanga thlantlin Congress MDC, C. Lalmuanthanga chuan Chairman thlanna chuh tur hian a hming a pelut a. Naktuk-ah LADC-a sawrkar thar fiahna neih nghal tur a ni ang.